SMS on B B Fatima Bint_e_Asad (a.s)

Misc

hum ali walay jisay dil sae dua dety hain 

uski bigri hoi taqdeer bana dety hain 

jitnay peso pay ghani hotay hain duniya walay 

utnay peso kaa hum LUBAAN jala dety hain

Ho to jaon main Musalman magar.
 ek GHAM hy  Ho na jaon kahin rastay ko bhulanay wala .
Suun be rakha hy kitaboon main perha hy main ne .
 ek musalman tha " ZAHRA (A.S) " ko rulanay wala .
 ( These are the feelings of an indian Non-muslim Poet GOPI )

 

 

 

 

 

 

 

 

 

 

 

 

Mushwara Hai Yeh Hamara Har Siyasatdan Ko
Mushwara Hai Yeh Hamara Aaj Har Insan Ko
Dushmano Se Gar Bachana Chaho Pakistan ko
Har Taraf Ho Yeh Sada.............Ali(a.s) Waris.

 

 

 

 

 

 

"IS KADAR KUM HO PARESHAN ALI ( A.S) WARIS HAI,
MUSHKILEN HONGI AASAN ALI (A.S) WARIS HAI,
MOHAMMAD(SAW) NE PARHI NAAD-E-ALI KHABIR MAIN,
HO GAYA SAAF YEH ELAAN ALI (A.S) WARIS HAI."

 

 

 

 

Meri zindagi Ali(AS) say hey, Meri Bandagi Ali(AS) say hey.

Chahtey ho meri dosti meri dosti Ali(AS) Say hey.

Hey deen ki baqa yehi, Hey wajh-e-La Ilaah bhi.

jo karey Ali(AS) say dushmani meri dushmani ussi say hey

 

 

 

 

 

 

 

" JO BAT HAQ KI HAY USKO ZAROOR LIKHA HAY,

WILA-E-AAL (A.S) KO FITRT KO NOOR LIKHA HAY,

ALI(A.S) KA PYAR BHI MAOON KI DAIN HAY KOSAR,

ALI(A.S) KA BUGHZ BI MAA KA QASUR LIKHA HAY

 

 

 

 

 

" IBADAT KERNI HAY TO MUHAMMAD (S.A.W.A.W) SE SEKHO,

SAKHAWAT KERNI HAY TO ALI(A.S) SE SEKHO,

GHAR CHALANA HAY TO FATIMA ZEHRA (S.A) SE SEKHO

DUSHMAN KO JHUKANA HAY TO HASSAN (A.S)  SE SEKHO,

SIR KATANA HO TO HUSSAIN SE SEKHO.

" JALTA HAY TO JAL JAEY KOI MERI BALA SE,,,
 MAIN ZIKR-E-ALI(A.S) KERTA HN KHALIQ KI RAZA SE,
 ACHA HAY JALO ZIKRA-E-ALI(A.S) SUN K MUSALSAL
 HO JAO GAY MAANOOS JAHANUM KI FIZA SE "

Ay Logoan Meray Janazay K Saath Chaltay Huay.
 Meray Badan Ko Lehed K Supurd Kertay Huay.
 Hai Ilteja Meri Her Jaa Ali (a.s) Ali (a.s) Kerna.
 Hai Ambiya (a.s) Ka Wazeefa Ali (a.s) Ali (a.s) Kerna...












"A L L A H"
wo hy jo qatry ko faiz-e-aam kry

"N A B I"
wo hy jo khudai ka intzam kry

"K A B A"
wo hy jisy sajda her khas-o-aam kry

"A L I"
wo hy jise kaba khud salam kry

"F A T I M A"
wo hy js ka nabi kharhy h...o kr aehtram kry

"H A S S A N"
wo hy Allah jannat jis k nam kry

"H U S S A I N"
wo hy jo sar kta kr b nezy pr kalam kry

"A B B A S"
wo hy jse wafa khud salam kry
"M O M I N"
wo jo karbala k zikr ko aam kry.















Takhleeq-e- Panjtan Pe Khuda ko Ghurur hai,
Aosaf-e-Kibriya ka inhi se Zahoor hai,

Ayat-e-Tat'heer ne ye kr diya Elan,
Wo Najis hai jo Al-e-Mohammad se door hai.

" MERAY MOLA QABAR MERI US JAGA TAMIR HO,,,

HAZRAT-E-ABBAS GHAZI(A.S) KI JAHAN JAGEER HO,,,,

AARZOO MERI HAY K DAR-E-SHABEER (A.S) PE,,,,

HAZRAT-E-HURR KI TARHAN ROSHAN MERI TAQDEER HO".,.,.,.,

" BHAR BHAR K JAM ULFAT-E-HYDER(A.S) PIYA KERO,,,,

MUSHKIL PARAY TO NAM ALI(A.S) KA LIYA KRO,,,

GAR CHAHTAY HO KHULD MAIN OONCHA MILAY MUQAM,,,

ZAHRA(S.A) K DUSHMANO PE TABARA KIYA KRO".,.,.,.,.

"MUJHE DE DY GHAM E SHABEER KI DOULAT YARAB,

TO KISI OR KI QISMAT ME DOULAT LIKHDE,

MERE HONTOO PE MUHAMMAD (saw) MERE SEANE PE HUSSAIN (as)

OR BUS NAD E ALI (as) MERE KAFAN PE LIKHDE,

AB HAI APNA KADI DHOOP PE CHALNA MUSHKILL,

APNI QISMAT ME PURCHAM E ABBAS (as) KA SAYA LIKHDE

AAY ZAMANAY TUJH SAY GHARAZ NAHIN!!
TARI CHAHATOO KE TALUB NAHIN!!
MAY TO MATAMI HOON HUSSAIN(A.S) KA!!
MUJHAY CHAHTA KOI AUR HAI!!

"iSLAM Ki BEHYANAK TAREEKH"

Janaza'e RASOOL Main Sirf 7 Musalman Shareek Howay.....

Janaza'e BATOOL Main Sirf 9 Musalman Shareek Howay......

Janaza'e HASSAN ...w> Main Sirf 13 Musalman Shareek Howay......

Janaza'e HUSSAiN Main Kisi Ko Tofeeq Nahi They......

AaL'e MUHAMMAD Ko JaaN K GEO!!!!!!!

((Tehqeeq Shuda Tareekh))

" Sab Kitabain Hain Riaya, 

Badsha Quran Hai

Ek Hidayat Ka Mukamal Silsila Quran Hai,

Hain Azal Se ta Abad Quran K Waris  Wohi,

Jin K Ghar Ka Bacha Bacha Bolta Quran Hai.

Naam Dono Pr Likhain HainWarna Dunya Pouchti.

Kon Sa Nehj-ul-Balagha Kon Sa Quran Hai."

"Ya Ali tera dum karte rahengaye,

Matam tera Allah ki kasam karte rahengaye,

tu laakh chupe parday mein e rooh e yazid,

Laanat teri tasweer pe hum karte rahengaye.

Kab, kese, kahaN, kis ko khabar, kon hai, kia hai?

Idraak se bala hi teri hamd-o-sana hai,

Chouda (14) ko hai ye fakher ke banday hein wo tere

Tera ye sharaf hai ke tu chouda (14) ka Khuda hai!

Hum sab muhibbaan-e-noor hein

Aur wo is noor se bahut hi door hein

Hum Ali (a.s.) ko chor nahi sakte aur wo Ali (a.s.) tak ayein ku?

Dono apne khoon ki taseer se majboor hein

Jis ki nasal kushi ki khatir tum ne kitni jangeiN kien

Aaj bhi ghaibat ke parday mein us ka beta baqi hai

Makkah Kufa Shaam Madinah, ghoomo, dekho, phir samjho

ArbooN Arab paray hein, lekin kis ka shajra baqi hai?

Aay paalney waley mujhe sardaar bana de

Na'lain-e-Muhammad (saw) meri dastaar bana de

Ker un ke nawasooN ke azadaaroN mein shaamil

Itna to mujhe sahib-e-kirdaar bana de

Kar diya tu ne ye saabit aay dilawar "aadmi"

Zindigi kia , maut se leta hai takkar "aadmi"

Kaat sakta hai rag-e-garda’n se khanjar "aadmi"

Lashkaro’n ko raund sakte hein ba'hattar (72) "aadmi" !!

Chaltay hain jab Hussain (A.S) Madeeneh ko chhorh kar,

Naana (S.A.W.W.A ) kay baad ponhchay hain Maan (S.A) kay mazaar par,

Pehlay tau aansu'on se wo kartay hain khaak tar,

Phir boltay hain qabr ki mitti ko choom kar;

Amman (S.A), Hussain (A.S) par tau Qayamat ka waqt hai,

Ab doodh bakhsh deejiye, rukhsat ka waqt hai."

"Iss shehr se jaatay hain, dey hum ko duaa, Naana (S.A.W.W.A),

Aabaad karain ge hum, ab Karb-o-Bala, Naana (S.A.W.W.A)."

"Jungle mein dil kay tukrhon ki basti basaaye ga,

Ammaan (S.A), Hussain (A.S) ab na Madeeneh mein aaye ga;

Tum bhi lahoo bharaa ye chaman daikhnay chalo,

Zainab (S.A) kay baazu'on mein rasan daikhnay chalo."

"Paidal Sheh-e-Deen (A.S) roza-e-Ahmed (S.A.W.W.A) pay sidhaaray,

Turbat se sadaa aayi kay, aa mairay piyaaray,

Shabbeer (A.S) marqad se lipat kar ye pukaaray,

Milta naheen aaraam Nawasay (A.S) ko tumharay;

Khut kia hai, ajal ka payaam aaya hai, Nanaa (S.A.W.W.A),

Aaj aakhri rukhsat ko Ghulaam aaya hai, Nanaa (S.A.W.W.A)."

“Lakhon se bahattar ki larhai ke ye din hain,

Sadaat pe aafat ke, tabahi ke ye din hain,

Zainab (S.A) se baradar ki judai ke ye din hain,

Zehra (S.A) ke bharay ghar ki safai ke ye din hain.

Bay warison se warison ka sath chhuta hai,

Zehra (S.A) ka bhara ghar inhi rozon mein luta hai.”

“Aada se mili Sheh (A.S) ko jo ek raat ki muhlat,
Farmaya yehi shab hay mulaqaat ki muhlat,
Kal subh kahan herf o hikayaat ki muhlat,
Dushman hamain dainay ke nahin baat ki muhlat.
Ji bher k hamain dekh lo ay Ahl e Haram tum,
Ab phir nahin milnay ke, siwa hashr ke, hum tum.”

“Tha bus ke roz e qatl e Shah e aasman janab (A.S),

Nikla tha khoon malay huay chehray pe aftab,

Thee nehr e Alqama bhi khijalat se aab aab,

Rota tha phoot phoot k darya mein her habab.

Pyasi jo thee sipah e Khuda teen raat ki,

Sahil se sar tapakti theen mojain Furat ki.”

“Jab qataa’ ki musafat e shab aftab nay,
Jalwa kia seher ka rukh e be hijab nay,

Dekha suay falak Shah e gardoon rakab (A.S) nay,

Murh kar sada rafiqon ko di us janab nay;

Aakhir hai raat hamd o sana e Khuda karo,

Utho, fareeza e seheri ko ada karo.”

“Aaj hi samna lakhon se Sarwar (A.S) ne kia,

Aaj sab fauj se ek ek bahadar hai larha,

Aaj naiza Ali Akbar (A.S) ke kalaijay mein laga,

Aaj Qasim (A.S) ka badan ghorhon se paamaal hua;

Aaj maidan mein zakhmi Shah e Deen (A.S) hotay hain,

Apnay ghum khwaron ke lashon pe kharhay rotay hain.”

“Mominon, Asr ka ab waqt hai nazdeek aya,

Hai ye wo waqt ke ghorhay se giray hain aqa,

Ab tasawwur karo sar nangay hain Mehboob e Khuda (S.A.W.W.A),

Ab hua chahta hai khatima e Aal e Aba (A.S);

Khaak pe arsh e azeem aaj gira chahta hai,

Shimr, Mazloom ke seenay pe charha chahta hai.”

“Gham ka ilaaj is ke siwa aur kuch nahin,

Khaak-e-shifa hai meri dawa, aur kuch nahin;

Ghurbat ki taiz dhoop se bachnay ke wastay,

Parhtay raho Hadees-e-Kisa, aur kuch nahin;

Maal-e-Khadija (A.S), Zarb-e-Ali (A.S), Sajda-e-Hussain (A.S),

Islam mein bus is ke siwa aur kuch nahin;

Gar chahtay ho Fatima (S.A) aayen Bahisht se,

Ghar men bichha do farsh-e-aza, aur kuch nahin;

Us ne kaha ke deen ki tareekh puri likh,

Mein ne faqat Hussain (A.S) likha, aur kuch nahin.”

“Hum ko ghum e Hussain (A.S) men marna qabul hai,

Is raah men mila hua pat'thar b phool hai.

Jannat na payen ge gham e Shabbir (A.S) k bagher;

Bay hubbe Ahle Bait (A.S) ki shahi fuzool hai.

Barchhi laga na seene pe Akbar (A.S) ke, ay laeen,

Tujh ko khabar naheen ye Shabih e Rasool (S.A.W.W.A) hai.

Ay Shimr qatl karnay se pehle ye soch le;

Ye Fatima (S.A) ka laal hai, Ibne Rasool (S.A.W.W.A) hai.

Jannat ki fikr ho mujhe, Khurshid, kis lye;

Jannat meray Hussain (A.S) k qadmon ki dhool hai.”

“KÅRBALÅ se jo ho ke häwä aäti hai,

Kisi MÅÅSÖÖM (S.A)  ke ronay ki sädä aäti hai;

Kaun soyä hai kinäräy pe tere ñehr-e-Fürät?

Téri mitti sé abhi tak bu-e-wåfå aäti hai.”

“Kuch is tarha ye ibadat ko aam karte hain,

Sajood in ki gali mei qayam karte hain,

Kaha Khuda ne Ali (A.S) se bana ke Jannat ko,

Isey bhi Hum teray bachchon ke naam kartay hain.”

“Ali (A.S) ko Khaliq e Akbar ki aan kehtey hein,

Hassan (A.S) ko qalb e Risaalat ki shaan kahtey hein;

Bacha k deen e Khuda jo Khuda ki laaj räkhey,

Zäbaan e ishq mein us ko Hussain (A.S) kehtay hein.”

“Jub se dar-e-Hussain (A.S) pe qurban ho gaye,

Jitnay bhi imtehan thay, åasan ho gaye;

Kuchh dushman-e-Rasool (S.A.W.W.A) aisay bhi sunay hen,

Jab kuch na kar sakay tau musalman ho gaye!!”

“Ya Ali (A.S), Mushkil Kusha, aao madad ke wasaty,

Sari dunya kar rahi hai isteghasa aap se;

Jis se auron ki madad ho, aisi daulat chahiye,

Jo deen ke kam aye, aisi shohrat chahiye;

Jo ho mazloomon ki haami, aisi taaqat chahiye,

Hosla e Qasim (A.S) o Akbar (A.S) ki shuja’at chahiye;

Parcham e ABBAS (A.S) ka saya sada sar par rahay.”

“Hai FATIMA ZEHRA (S.A) ki kaneezon se guzarish,

Kirdar ki taaqat se zamanay ko hila do;

Bazar mein maangi thi rida BINT E ALI (S.A) ne,

Tum bhi tau ridaon ke taqaddus ki sada do.”

“Qadam qadam per aik naik kam karta hoon,

Ali (A.S) walon ka barha aihtaram karta hon;

Dekhta hoon jahan GHAZI ABBAS (A.S) ka alam,

Us ghar ko jhuk ker salam karta hoon.”

“Teeron kay musallay per wo sajda-e-shukrana,

Shabbir (A.S) ne batlaya Islam pe mar jana.

Socho tau musalmano, yeh baat koi kum hai,

Ahmad (S.A.W.W.A) ki Nawasi ka darbar men aa jana.

Barchhi Ali Akbar (A.S) ke seenay se nikal aai,

Dekha na gaya Sheh (A.S) se, yun dil ka nikal aana.”

“Ghum-e-Shabbir (A.S) mein ronay se baqa milti hai,

Dar pe Abbas (A.S) kay janay se wafa milti hai;

Chala aye jo sharminda ho kay Hurr (R.A) ki tarah,

Aisay insaan ko Zehra (S.A) ki dua milti hai.”

"Takhleeq-e-Panjatan (A.S) pay Khuda ko gharoor hai,

Ausaf-e-Kibriya ka in hi say zahoor hai;

Ayat-e-Tat'heer nay ye kar dia a'ilaan,

Wo najis hai jo Aal-e-Payambar (A.S) say door hai."

"Har fard ko saaheb-e-ahsaas bana deti hai,

Zaheen ko fika ka akkaas bana deti hai;

Fatima Zehra (S.A) kay bachchon ki ghulami kar lo,

Ye wafadaar ko Abbas (A.S) bana deti hai." 

"Khaliq ne kuch is tarah se utaray hain Muhammad (S.A.W.W.A),

Har daor mein, har shakhs ko piyaray hain Muhammad (S.A.W.W.A);

Aksar dar-e-Zehra (S.A) pe yeh Jibraeel (A.S) ne socha:

Paighaam kisay doon, kay yeh saaray hain Muhammad (S.A.W.W.A)."

"Har soo rawaan hawayen, khumaar-e-tarab hai aaj,

Baab-e-qabool waa hai, muraadon ki shab hai aaj,

Saaqi, mujhay na chhairh kay pehli Rajab hai aaj;

Rukh say naqaab utha kay naweed-e-zahoor hai,

Haazir hai dil ka jaam, sharaab-e-tuhoor hai."

"Isi maah aalam-e-Islam kay Sultan utray hain,

Abu Talib (A.S) kay aangan mein kayi Zeeshan utray hain,

Mah-e-Sha'abaan ki ta'areef mein aur kia likhoon?

Maheena aik hai, laikin kayi Quraan utray hain."

"Sooraj hai surkh goar-e-ghareebaan ko daikh kar,

Kaafir hai dungg aisay musalmaan ko daikh kar;

Kia yeh muhabbaton ka sila tha Rasool (S.A.W.W.A) ko?

Kiyun khaak mein mila diya qabr-e-Batool (S.A) ko?"

"Jab zulf ko kholay huay laila-e-shab aayi,

Pardais mein saadaat pay aafat ajab aayi,

Faryaad-kunaan rooh-e-Ameer-e-Arab (S.A.W.W.A) aayi,

Ghul tha kay shab-e-qatl-e-Sheh-e-tishna-lab (A.S) aayi;

Saadaat ko kia kia gham-e-jaan-kaah dikhaaye,

Raat aisi museebat ki na Allah dikhaaye."

"I'trat say mohabbat bhool gye,

Woh ajr-e-Risaalat bhool gye;

Bus Ghaar-e-Hira ek yaad raha,

Aur bistar-e-Hijrat bhool gye;

Kab maal-e-ghaneemat bhool sakay;

Hyder (a.s) ki i'nayat bhool gye;

Ka'abeh ki fazeelat yaad rahi,

Hyder (a.s) ki wiladat bhool gye;

Ghairon ko Nabi (s.a.w.w.a) ka raavi kaha,

Hyder (a.s) say rivaayat bhool gye."

"Falak-nasheen nay dia woh kamaal mitti ko,

Shifa bana gya Zehra (s.a) ka laal (a.s) mitti ko;

Yeh jaanti hai kay hum loag Bu-Turaabi hain,

Parhay ga rakhna humara khayal mitti ko."

"Misaal-e-Ja'afar-e-Tayyar (a.s) ho nahin sakta,

Jawab-e-Hyder-e-Karrar (a.s) ho nahin sakta;

A'alm ko rakh diya Ghazi (a.s) nay uss bulandi par,

Kay koi aur "A'lamdar" (a.s) ho nahin sakta."

"Mehshar mein yeh shaagirdon say ustaad kahain gey:

Hum khud hain pareshan, tumhain apni parhi hai;

Jaayen tau kahan jaayen, k haq chheena tha jiska,

Darwaza-e-Jannat pay wohi Bibi (s.a) kharhi hai."

"Mera aqeeda hai ba-roz-e-mehshar, falak pay yeh ehtemam hoga,

Meray khayalon say bhi ziyada wasee'-tar ek muqaam hoga,

Kahin Muhammad (s.a.w.a) ki muskurahat, kahin Khuda ka kalaam hoga,

Gullon ko nisbat Ali (a.s) say hogi, kali pay Zehra (s.a) ka naam hoga,

Yeh Anbia (a.s) sab wazeer hon gey, Sardar mera Imam (a.s) hoga;

Yeh aks hai ek sultanat ka, Hussainiyat jiska naam hoga."

"Makhfi tha jo israr-e-Jali, khol raha tha,

Izhar-e-aqeedat kay gohar tol raha tha;

Mai'raj kay parday mein tha, aur lehja-e-Rabb mein,

Farman-e-Nabi (s.a.w.a) hai kay Ali (a.s) bol raha tha."

"Kia jalwa Karbala mein dikhaya Hussain (a.s) nay,

Sajday mein ja kay sar ko kataya Hussain (a.s) nay;

Khush-bakht Hurr (r.a) tha, aap kay qadmon mein aa gira,

Soya naseeb us ka jagaya Hussain (a.s) nay;

Naizay pay sar tha, aur zaban par theen ayatain,

Quran is tarah bhi sunaya Hussain (a.s) nay;

Akbar (a.s) ki khushk aankh say aansu chhalak parhay,

Sughra (s.a) ka jab payam sunaya Hussain (a.s) nay;

Sadmay mein Karbala walon ki cheekhain nikal gyeen,

Asghar (a.s) ko jab galay say lagaya Hussain (a.s) nay."

"Shabbeer (a.s) ka munh taknay lagi Banu-e-Maghmoom (s.a),

Sughra (s.a) ko liyay ronay lageen Zainab (s.a) -o- Kulsoom (s.a),

Baiti say yeh farmanay lagey Syed-e-Mazloom (a.s),

Pardah raha ab kia, tumhain khud ho gya ma'loom;

Tum chhut'ti ho, iss wastay sab rotay hain Sughra (s.a),

Hum aj say awara-watan hotay hain Sughra (s.a)."

"Nana (s.a.w.a) ho mubarak tujhay apna yeh Madina,

Karbal kay musafir ka chala aj safina,

Ik raat ka mehman hai teray dil ka nageena,

Asghar (a.s) hai meray sath, aur ma'soom Sakina (s.a);

Nana (s.a.w.a), yeh risalat ka ajr khoob mila hai,

Zainab (s.a) ko liyay watn say Shabbeer (a.s) chala hai."

"Eeman kay liyay dolat-e-baidaar hai Fizza (s.a),

Baatil kay liyay raah ki deewar hai Fizza (s.a);

Itna barha aizaz kaneezi mein kahan hai?

Darbaani-e-Saadaat ka mai'yaar hai Fizza (s.a)."

"Wafa ka zikr karay, zikr-e-ba-wafa na karay,

Kisi mein itni ho mohsin-kashi, Khuda na karay;

Hum uss faqeer ko khairat bhi nahin daitay,

Jo panjatan kay waseelay say iltija na karay;

Ibadaton pay woh khud apni fateha parhh lay,

Jo Shah-e-Deen (a.s) ki kabhi majlis-e-a'za na karay;

Ali (a.s) kay naam say roshan jinhain kiya jaayay,

Hifazat aisay chiraghon ki kyun hawa na karay!

Koi jo maangay Sakina (s.a) ka waasta day kar,

Tau kaisay hoga kay Abbas (a.s), aur a'ta na karay?!"

Momin ke liye jaan-e-hasti hai namaaz

Iman ki agosh mein basti hai namaaz

Milti nahi mehshar mein kisi qeemat per

Aay zindigi walo! Parh lo, abhi sasti hai namaaz

MERE ALFAZO K BAGHO KO HARA KAR DIJEYE,

MERE MOLA SHAIRI MUJH KO BHI ATA KAR DIJIYE,

ZINDAGI ISHQE ALI MAI HO ALI KI YE TAMAM,

DOSTO MERELIYE BAS ITNI DUUA KARDIJIYE.

SMS on Karbala and Azadari

Is raaz say waqif hain zamany wale,
Ab tak zinda hain Muhammad (s.a.w.w) k gharaney wale,
kuch mit gaye kuch mit jayenagy,
Ya Ali Ya Hussain tera naam mitaney wale.








TUM APNAY GHAR MEI AZA KHANA JAB SAJAOOO GAAY
 JAZA RASOOL(S.A.W.W) SE IS KI ZAROOR PAOO GAAY ,
KHUDA B RAZI RAHAY GA . ALI(A.S) BHI OR MEI BHI
 GHUM APNA BHOOL K ASHUOR JAB MANAO GAAY.
(HAZRAT BIBI FATIMA ZEHRA(S.A)










Mujrayi jab kay ahyan mahe aza hota hai,
 chark**(asmaan)}* pay matame shah e shuda hota hai.
 Rone Waloon ka bhi kiya rutba hai subhan Allah,
 Jin kay ashkhoon ka kharidar Kuda hota hai(Mir Anees)








JAGAH JAGAH PE MAIN KARKE HUSSAIN KA MATAM,
 MUSAFIRAT KO BHI APNA WATAN BANA LUNGA,
 FARISHTE NAUHA PADHENGE KARUNGA MAIN MATAM,
 LAHAD ME JAA KE BHI EK ANJUMAN BANA LUNGA.





Aey Ahl-e-Aza Aza K Din Aa Pohnchay
Gham Ki Ratain Aza K Din Aa Pohnchay
Faryad Hai K Fatima (sa) Ki Basti Ojri
Aabadiye Karb_o_Bala K Din Aa Pohnchay

EK AUR BARAS BEET GAYA OMR_E_RAWA KA
KUCH DAIR HISAB AAO KAREN SOOD_O_ZIYAN KA
SAB MIL K DUA MANGO NAEY SAL ME HAM KO
DEEDAR KARA DE KHUDA HADI-E-ZAMAN AS KA

Hum 'ALI' walay hain. Sun lain yeh zamaney walay.
 Raakh ho jayain gay khud hum ko mitaney walay.,
 YA ALI keh k guzar jatay hain tufano se
 PARCHAM-E-HAZRAT-E-ABBAS(AS) uthany walay.)











DIL E BATOOL S.A KI TASKEEN HAI AZADARI,
 YE TUM SE KIS NE KAHA TOHEEN HAI AZADARI?.
 ZAMANY BHAR KO SIKHA GAI ZAINAB S.A.
 HAMARI RASM NAHI DEEN HAI AZADARI..










AAJ BHI SILSALA - E - KARBOBALA JARI HAI.
ISHQ E SHABIR KA IZHAR AZADARI HAI.
 YEHI FESLA HAYE MEEZAN E AZAL KA AZADAR.
 HAR IBADAT PE HUBB E ALI A.S BHARI HAI...












14 sadyon se aqeedy ka safar jari ha.
 Zindagi ALAY-E-MOHAMMAD se wafadari hai.
 Humko tasleem NAMAZON ki fazeelat laikin.
 BINT-E-ZAHRA ki tammana yeh AZADARI hai.
















Aisi Basi Alam me Alamdar ki Mehek !
Kaabay me Jese Haidar-e-Karrar ki Mehek !

Aa kar Meri Lehed me Farishton ne Ye Kaha !
Sab se Juda Hy Sheh k Azadar ki Mehek !

" KEHTIN HAIN ZEHRA SANI MJHE YUN NA SATAO,

YUN MAJLISAY SHABEER MAIN BUNTHAN K NA AAO,

AURO NAY SATAYA HAY MJHE TUM NA SATAO,

SHABEER K MATAM KO TAMASHA NA BANAO "

" AAEGI IMAM(A.S) KI AWAZ ZI HASHAM,

KABAY KI SIMT UTHNE LAGEGA HAR EK KADAM,

SEENO PE HATH HONGAY NIGAHON MAIN SB KI NUM,

GARENGAY SEHNAY KABA MAIN ABBAS(A.S) KA ALAM,

FARSH-E-AZA BICHAYGA SHAH-E-MASHRAQUAIN(A.S) KA,

BARPA KERAINGAY... KABAY MAIN MATAM HUSSAIN(A.S) KA.

MUJH KO BEHLOL SA DEWANA BANA DE YA RAB
 KULL E EMAAN KA MASTANA BANA DE YA RAB
 HAR JAGA MATAM E SHABIR A.S KI GOONJAY AWAZ
 SARI DUNIYA KO AZA KHANA BANA DE YA RAB.
 (ELLAHI AAMEEN)

"      Dua    "

"Aey  Rabb-e-Kirdigaar"

Maalik Kia Hai tu Nay Jisay Mashraqain Ka

Lakht-e- Jigar Hai Fateh-e-Badr-o-Hunain Ka

Jis K Liy Hai GhulGhula Ye Shor-O-Shain Ka

Sadqa Janab-e-Fatima(sa) K Noor-e-Ain Ka

Samaan Shatab Kr De Mere Dil K Chain Ka

Parwardigar Wasta Khoon-e-Hussain(as) Ka.

Mujhe Ali Ki Zarorat Hai Her Kadam Ya Rab
Mujhe Ali K Sewa Koi Aasraa He Nahi

Bataiye Kis Tarha Jannat Main Aap Jain Gain
Dar-e-Ali K Sewa Koi Raasta He Nahi














Aye Jhoot Ke Fatwoon Ki Dukan Kholne Wale
Farman-e-Payumber Ko Na Is Tarah Bhula De
Hum Matam-e-Shabbir Se Ruk Jain Gay Aye Dost
Shabbir-o-Shareeyat Main Zara Farq Bata De

"Ya RAB ye iltimaas hai teri janab mai
Mujh ko mila day KHAK-E-DAR-E-BOOTRAAB mai
Baad-e-namaaz daikhtay hain yun idher udher
gardan phansi ho jaisay KHUDA ke azaab main.












ALI A.S k Ishq ma aisa kalaam kar donga,

Jo kharab ho tabiyat bahal kar donga,

laga k NARA-E-HAIDER A.S har ek basti ma,

Munafiqo ka Jeena Haram kar donga.











Daagh e Matam jo seenay se laga rakkha hai
Dil ko Mola ka aza khana bana rakkha hai
Mushkilo soch k aana mere ghar ki jaanib
Meine Ghazi(AS) ka alam ghar pe laga rakkha hai








Aaj Bhi Silsila-e-Karb o Bala Jari Hai

Ishq-e-Shabbir Ka Izhar Azadari Hai

Yeh Hai Faisla Meezan-e-Azal Ka

Har Ibadat Pey Hubb,e Ali(as)Bhari Hai

“Naye baras! Teri khushyan mana nahin saktay,

Rasool (S.A.W.W.A) roye jahan, muskura nahin saktay.

Hamara saal nahin,zindagi Hussain (A.S) se hai,

Ham apni zeest k ma’ani bhula nahin saktay.”

"Marzi-e-Rab Thi Muhammad(saww) Ny Banaya Tha Alam
Shan Sy Khybar Men Bhai Ko Thamaya Tha ALAM
Phr Shah-e-Lolaak Ny Madiny Men Sajaya Tha Alam
Karbala Pohnchay to Ghazi(as) Ko Thamaya Tha Alam
Sham Ki Raah Me ABID(AS) Ny Uthaya Tha ALAM
Qila-e-Sham Py Zainab(sa) Ny Lagaya Tha Alam
Zalimon Jab Tak Tum Hum Pr Sitam Dhao Gay
Har Mohally k Makanon pY Alam Paao Gay.










Mazloom ka gham gardish-e-doraa`n se juda hai
Ye dard har ik dil ke khazane mein chupa hai
Har waqt jhapakti hui aankho`n ko zara dekh
Gar matam-e-Shabbir (a.s.) nahi hai to ye kia hai?






Apni jannat ko zara aur saja le waa'iz
Is se acha to mere ghar ka azakhana hai
Zid na kar tu mujhe Firdous mein le jaane ki
Raasta chor mujhe Karbobala jana hai





Mola ka malangaan ki taqdeer hay Jannat!!!!
Or un k malango ki bhi jageer hay Jannat!!!!
Jannat jissay chaye maangay Dua wo!!!!
Apne liey to Majlis-e-Shabeer(as) hay jannat!!!!









Aamaal mein saboot-e-wila hai Gham-e-Hussain (a.s.)
Nabioo`n (a.s.) ki bandagi ka sila hai gham-e-Hussain(a.s.)
Dushman gham-e-Hussainh (a.s.) ka dozakh ka rizq hai
Wo moj mein hai jis ko mila hai gham-e-Hussain (a.s.)






“Zulm ki aandhi men Haq ki justuju;

Tashnagi karti hai zakhmon se wuzu;

Sabr k banday ki Rabb se guftagu-

Hashr tak Haq ki sada hai: Karbala!”







Hum Panjtan Pak ka Matam jo hain karte!!!!
Momin ki hai pehchan nahin woh mot se darte!!!!
Kafir ko aur Momin ko sahi pehchan na ho jab!!!!
Kafir kabhi bhi Matam-e-Shabir (as)nahin karte !!!!

“Apni taqdeer jagatay hen tere matam se

Khüd ki raah pe jatey hen terey matam se

Apne izhär-e-aqeedat ka saleeqa ye hai

Hum naya saal manatey hen teray matam se.”

“Karbobala ke mah e munawwar, tujhay salam;

Tapti zameen pe lasha e bay sar, tujhay salam;

Ta hashr yun hi majlisen hoti rahen, Zafar,

Farsh e aza e Sibt e Payamber (A.S), tujhay salam.”

“Ae chand-e-mohrm to hi bata, Zehra (A.S) ka chand kahan hai.

Abaad hai sari dunia, Zehra (A.S) ka ghar viran hai.”

“Azeezon, aaj shahadat ki raat aai hai,

Hussain Imam (A.S) ki rehlat ki raat aai hai,

Ye raat aaj qayamat ki raat aai hai,

Haram se Shah (A.S) ki rukhsat ki raat aai hai.

Nahin hai ye shab e qatl e Hussain (A.S) sonay ko,

Batool (S.A) aai hain har ghar mein aaj ronay ko.”

“Ghulam-e-Faateh e Badr-o-Hunain likh dena

Ya sogwar Shah-e-Mashraqain (A.S) likh dena

Agar koi b wasiyat na meri yad rahey,

Merey kafan pey faqt ya HUSSAIN (A.S) likh dena.”

  

“AHMAD (S.A.W.W.A) ke Nawason se jisay pyar nahin hai,

AHMAD (S.A.W.W.A) ki shifa’at ka wo haqdar nahin hai;

Is wastay kehtay hain Jahanum ko Jahanum,

Suntay hain wahan koi azadaar nahin hai.”

“Zikr e SHABBIR (A.S) dhamakon se dabane walay,

Kitne naadaan hain hum ko daranay walay;

Ghaib se aati hai ab bhi ye sada-e-Mehdi (A.S):

Zikr e Shabbir (A.S) karo, hum hain bachanay walay.”

“Hum ko Ali (A.S) ke ishq ne aala bana dia,

Qatra thay hum, Hussain (A.S) ne dareya bana dia;

Jab maatmi libaas kiya hum ne zaib-e-tan,

Hum ko gham-e-Hussain (A.S) ne Kaaba bana dia.”

“Ek ek shai azal se shareek-e-gham e Hussain (A.S),

Aisi to kainat men dekhi nahin misaal;

Sahil se moj-e-behar ka takrana baar, baar,

Hai matam-e-HUSSAIN (A.S) ki kitni haseen misaal.”

“Koi chheen nahin sakta hum se maatam,

Hai amanat ZAINAB (S.A) ki;

Khud kash hamlay sar e aam kro,

Tum jitna qatl e aam kro;

Ye MATAM kaisay ruk jaye?

Hoti hai qayadat ZAINAB (S.A) ki.”

"Phir Hamen Sahib-e-Kirdar Bana De MOLA
Bhai Ko Bhai Ka GHamkhar Bana De Mola
jINKI sanso Me Nahi Ishq-e-Ali(as) Ki Khushbo
Sans Lena Unhen Dushwar Bana De Mola
Jeete Ji Daikh Len Jannat K Nazary Hm B
Karbala Ka Hamen Zawwar Bana De Mola
Baagh-e-Jannat Men Tabiyat Nhi Lagi Meri
Karbala Ko Mera Ghar Bar Bana De Mola.

“Barhti hai bar’hami si zara noor-e-ain mein,

Milta hai iztarab younhi dil ke chain mein;

Selaab dekhta hun tau ata hai ye khaiyal,

Paani bhatak raha ho talash-e-HUSSAIN (A.S) mein.”

“Be khof ho rahi hai Azadari e HUSSAIN (A.S),

Dil ko sukoon hai ke Alamdar (A.S) saath hai;

Sadyon se ek pal bhi ye Panja na jhuk saka,

ABBAS (A.S) teray haath pe ZEHRA (S.A) ka haath hai.”

“Kaaba, teray ghilaf ka kala hai rung kyon?

Kiya tu b sogwar hai ZEHRA (S.A) k chen ka?

Ye rung sog ka hai jo tu ne kia pasand,

Kya Tu b AZADAR hai meray HUSSAIN (A.S) ka?”

“Kaaba Ali (A.S) k faiz se gulzar ban gaya,

But khanay se badla tau ba waqar ban gaya;

Kaaba Ali ka shukria karnay ke waastay,

Kaala libas pehn k azadar ban gaya.”

“Parcham-e-Hazrat-e-Abbas (A.S) uthaye rakhna,

Shor-e-matam se zamanay ko jagaye rakhna;

Ghum-e-Shabeer (A.S) ibadat hai koi rasm nahin,

Apni naslon ko azadar banaye rakhna.”

“Phaila raha hun is liye kashkol-e-bandagi,

Sanson ko Karbala ki hararat ka shoq hai;

Jannat ki arzu nahin, jeeta hun iss liye,

Shehr-e-HUSAiN (A.S), teri ziarat ka shoq hai.”

“Da’awa tou sab ka hai, hamari hai Karbala,

Laikin lahu main kis ne utari hai Karbala;

Dunya main aj bhi haq o batil ki jang hai,

Roz e azal say jari o sari hai Karbala.”

“Kuchh dair farz karo ke yeh majlisain na hon;

Sara jahan Hussain (A.S) ka qatil dikhai dey.”

“Ye matam ki sada zinda rakhay gi;

Humain Karb-o-bala zinda rakhay gi.

Mein duniya se chala jaun ga ek din,

Magar Sheh (A.S) ki aza zinda rakhay gi.”

“Hai dafn tairi khaak main dilband e Buturab (A.S),

Ay Arz e Karbala, ye muqaddar ke baat hai.”

Jin ki dil ki wadion mein Karbala ta’meer hai,

Un ki khushyon ki zamanat parcham-e-Shabbir (A.S) hai;

Isko kehtay hen Imamat, aisay hotay hen Imam,

Haath mein saari khudai, paaon mein zanjeer hai.”

“Karbala waalon ke maqsad ko subhi bhool gaye,

Chund ansu kia bahaye, tishna labi bhool gaye;

Ahl e maatam ko faqat seena zani yaad rahi,

Aur paigham-e-HUSSAIN ibne ALI (A.S) bhool gaye.”

“Shabbir (A.S) ka naukar bhi hun, khata kaar bhi hun,

Dozakh men na jaunga, gunah gaar bhi hun;

Gar dozakh men ley jaogey farishton hum ko,

Aag ro ro ke bujha dunga, azaadar bhi hun.”

“Ghum e Hussain (A.S) mein maghmoom ye jahan sara,

Kahin pe jin, kahin iñsañ, kahin parinda hai;

Dhamakay majlis e Shabbir (A.S) mein jo kartey hain,

Unhain ye khauf hai ab bhi Hussain (A.S) zinda hai!!!”

“Maa ki aaghosh mein wo jam piya hai mein ne,

Lab hilay tau Ali (A.S) naam liya hai mein ne;

Aur mili quwwat-e-junbish jo meray haathon ko,

Goad mein maatam-e-Shabbir (A.S) kiya hai mein ne.”

"Dagh-e-matam jo seenay pay laga rakha hai,

Dil ko Maula (A.S) ka azakhana bana rakha hai;

Mushkilon soch kay ana meray ghar ki janeb:

Mein nay Ghazi (A.S) ka a'lam ghar pay saja rakha hai."

Mimbar Ali (A.S) ka chheen lia aur mukar geye,

Maula Hasan (A.S) ko zehr dia aur mukar geye,

Zainab (S.A) k ghar ko loot lia aur mukar geye;

Rotay hain hum is lye shor-o-shain say,

Kal ko na mukar jayen ye qatl-e-Hussain (A.S) say."

"Jagay huay is kufr ke fitnay ko sula do,  Jo samnay aaye, usay thokar se urhaa do, 
Islam ki soyi hui taqdeer jaga do,

Tum kaun ho, kia ho, ye zamanay ko bata do;

Tum naara-e-Takbeer ho, Hal-Minn ki sada ho,

Tum Fatima Zehra (S.A) ke dukhay dil ki dua ho,

Tum Hazrat e Abbas (A.S) ke parcham ki baqa ho,

Ho jaao mukhalif, jo mukhalif ye hawa ho.

Hasrat se tumhen dekhtay hain Shah-e-Mashraqain (A.S),

Sab mil k kaho dosto:

LABBAiK YA HUSSAiN (A.S),

LABBAiK YA HUSSAIN (A.S).”

"Rona Hussain (A.S) ka hai, aqeedat Hussain (A.S) say,

Maatam ka silsila hai muwaddat Hussain (A.S) say;

Seenon pay haath maar kay kartay hain yeh a'ilaan:

Nafrat Yazeed say hai; mohabbat Hussain (A.S) say."

Gham-e-Hussain (A.S) ki dil-kash fiza mein rehta hoon,

Isi bahaanay say mein Karbala mein rehta hoon;

Labon pay rehti hai har waqt meray Naad-e-Ali (A.S),

Isi kay dam say dua ki rida mein rehta hoon."

"Nazrana-e-ashk-e-gham-e-Shah (A.S) ab kaafi nahin;

Yeh daur azaadaar say kuch aur maang raha hai."

Jisay Aal-e-Ahmed (S.A.W.W.A) say ulfat na hogi,

Kabhi urooj pay uski qismat na hogi;

Bina hubb-e-Haidar (A.S) karo ge jo sajday,

Yeh a'adat tau hogi, ibaadat na hogi."

"Dozakh ko har tarah ka gunaagaar chahye,

Jannat ko faqat Sheh (A.S) ka azaadaar chahye;

Bund hoti hain, khulti hain, Asghar (A.S) ki ungliyaan,

6 maah kay Ali (A.S) ko bhi talwaar chahye."

"Shabbeer (A.S) agar dil mein tera naqsh-e-qadam hai,

Kuch khof na mehshar ka, na a'amaal ka gham hai;

Yeh raaz khula Hurr (R.A) kay muqaddar say jahan mein,

Jannat tau teray aik tabassum say bhi kam hai."

"Chhorh kar sajdon ko tauheen-e-Muharram na karo;

Bay-namazi ho tau Shabbeer (A.S) ka maatam na karo."

"Momin kay liyay tau jaan-e-hasti hay Namaz,

Eeman ki aaghosh mein basti hai Namaz;

Milti nahin mehshar mein kisi bhi qeemat par,

O zindagi walon, parh lo, abhi sasti hai Namaz."

"Aswad ko chhomtay huay khamosh sab rahay,

Bid'at nahin hai kia yeh kisi ki nigaah mein?

Aye mufti, kyun na keh dia Ka'abbeh ko dekh kar:

Kaafir sa lug raha hai libaas-e-siyaah mein."

"Karo Yazeed (L.A) say ulfat magar, musalmaanon,

Nijaat ka bhi koi rasta talaash karo;

Naya rasool banaao, jo ho 'adu-e-Hussain (A.S),

Jo ho Yazeed (L.A) say khush wo khuda talaash karo."

"Jo zikr-e-Ali (A.S) sun'nay sunanay nahin aatay,

Jannat mein makan unko bananay nahin aatay;

Jo sotay hain marqad mein hubb-e-Ali (A.S) kay saath,

Munkir Nakeer un ko satanay nahin aatay;

Tat'heer ki ayat ko samajh letay agar tum,

Dil Fatima Zehra (S.A) ka dukhanay nahin aatay;

Ghar un kay balaaon mein ghiray rehtay hain har dumm,

Ghazi (A.S) kay a'lam jin ko sajanay nahin aatay."

"Qirtaas-e-shifa'at kay siwa aur bhi kuch maang,

Mehshar mein muwaddat ki jaza aur bhi kuch maang;

Jannat mujhay bakhshi tau sada ghaib say aayi:

Shabbeer (A.S) kay maatam ka sila aur bhi kuch maang."

"Ghalib, mai-nosh honay par gar Jannat na ja sakoon,

Hasrat yehi hai kay baad-e-marg kuch kaam aa sakoon;

Eendhan bana dey mujh ko Jahannum ka, aye Khuda,

Har dushman-e-Ali (A.S) ka kalaija jala sakoon."

"Haq-e-Zehra (S.A) ki qasam, Aal-e-Nabi (S.A.W) par salawaat,

Wo ibaadat hai jo khud Ma'abood baja lata hai."

"Logon, ye sada aati hai Sarwar (A.S) ki lehd say:

Koi tau meray zakhm pay marham bhi laga day;

Ya qabr pe Zehra (S.A) ki bana day koi saya,

Ya saya-e-gunbad meray rozay say hata day."

"Teray dil mein kaisi giraah parhi,

Tujhay iss say itna hasad hai kyun?

Jo Nabi (S.A.W.A) ki aankh ka noor hai,

Jo Ali (A.S) ki ankha ka chaen hai.

Kabhi pooch apnay khameer say:

Wo jo mit gya, wo Yazeed tha;

Jo na mit saka, wo Hussain (A.S) hai."

"Wa hasrata! Kay Shah (A.S) ka maatam hua tamam,

Aayi khizaan, bahaar ka mausam hua tamam,

Jis ki khushi dilon ko thi, wo ghum hua tamam,

Sar peeto mominon kay Muharram hua tamam;

Aye agar ajal, tau ye matam, ye ghum kahan,

Ye majlisain tau hashr talak hain, par hum kahan."

"Girya karo, barh'hao zara shor-o-shain ko,

Pursa do Syeda (S.A) ko, Sheh-e-Mashreqain (A.S) ko,

Rukhsat karo a'lam say lipat kar Hussain (A.S) ko,

Paao ge kal na Fatima (S.A) kay Noor-e-A'in ko;

Aadaab-e-ta'aziat na ada hum say ho sakay,

Hasrat rahi kay haaye, na ji bhar kar kay ro sakay."

"Arhsath (68) dinon tak un kay masaayeb pay royay hain,

Wo aaj khush huay tau zamanay ki eid hai;

Ya Rabb, na mominon ki khushi ko nazar lagey,

Zehra (S.A) kay soag-waar gharaanay ki eid hai."

"Aye Ghareeb-ul-watan, al-wida', al-wida',

Laashaa-e-bay-kafan, al-wida', al-wida';

Saamnay jab bhi paani ka jaam aaye ga,

Lab pay bay-saakhta tera naam aaye ga,

Piyaasay Sheh-e-Zaman (A.S), al-wida', al-wida';

Lay kay aayi hai Zainab (S.A) payaam aakhri,

Leejyay uth kay, Maula (A.S), salaam aakhri,

Ja rahi hai watan, al-wida', al-wida'."

"Hum loag agar haq kay paristaar na hotay,

Ye khoon kay pursay sar-e-bazaar na hotay;

Rugg-rugg mein namak Fatima Zehra (S.A) ka rawaan hai,

Phir kesay humaray bachchay aza-daar na hotay?!"

"Aik aansu kay ewaz milta hai ghar Firdous ka;

Kis qadar Shabbeer (A.S) nay Jannat ko sasta kar dia."

"Zulm samjha tha kay jal jaaye gi shoalon men namaz;

Raakh khaimon ki kuraidi tau musallay niklay."

"Dhoop ki mauj men sooraj ka bhi khoon milta hai,

Soag men parcham-e-ehsaas nigoon milta hai;

Haan, magar Ibn-e-Ali (A.S) aik shajar hai aisa,

Jis kay saaye men shariyat ko sakoon milta hai."

"Gham-e-Hussain (A.S) ki chaadar jo taan laita hai,

Usay Khuda bhi khud Apni amaan daita hai;

Tu aik zindagi kar dey ba-naam-e-Ibn-e-Ali (A.S),

Hussain (A.S) badlay men dono jahaan daita hai."

"Mat soch kay hum teri taaqat kay talay hain,

Ye ghar tau pehlay bhi kayi baar jalay hain;

Tu rasm-e-Yazeedi ko barhay shoq say apna,

Hum bhi tau kisi Maan (S.A) ki duaaon men palay hain."

"Kitni ajeeb hai naikiyon ki justuju;

Namaz bhi jaldi men parhhtay hain phir say gunaah karnay kay liyay."

"Thikana qabr hai tera, ebaadat kuch tau kar ghaafil;

 Kahawat hai kay khaali haath ghar jaya nahin kartay."

"Jannat mein Jannat kay haq-daar jayen ge,

Qasam Ali (a.s) ki, Ali (a.s) kay hub-daar jayen ge;

Dar-e-Jannat pay kharhi Zehra (s.a) yeh kehti hain:

Jannat mein meray laal kay aza-daar jayen ge."

"Jo shakhs mehfil-e-Haider (a.s) mein ja nahin sakta,

Ali (a.s) kay naam ka na'ara laga nahin sakta;

Ali (a.s) kay betay ijazat agar nahin dain tau,

Kisi ka baap bhi Jannat mein ja nahin sakta...!"

"Jannat ki aarzu mein kahan ja rahay hain log?

Jannat tau Karbala mein khareedi Hussain (a.s) nay;

Dunia-o-Aakhrat mein jo rehna ho chain say,

Jeena Ali (a.s) say seekh lo, marna Hussain (a.s) say."

"Shab-e-hayat mein taseer-e-roshni kia hai?

Chalo, Hussain (a.s) say poochain kay zindagi kia hai?

Gham-e-Hussain (a.s) hai pehchaan aadmiyat ki,

Hussain (a.s) hi pay na roye, wo aadmi kia hai?!"

"Islam ko Karbal ka azadar pasand hai,

Mazloom ki ulfat ka yeh kirdar pasand hai;

Har shehr kay har morh pay matam ki sadayen,

Zainab (s.a) ko mawaddat ka yeh iz'har pasand hai;

Shabbeer (a.s) ka gham dil say manata hai jo momin,

Sajjad (a.s) ko Baba ka wo gham-khwar pasand hai;

Iss daur-e-sitamgar mein rahay Haq pay jo qayem,

Mehdi (a.j.f) ko wo Deen ka taraf-daar pasand hai."

"Maula (a.s) say lau lagao, chalo, Karbala chalain,

Ek qaafila banao, chalo, Karbala chalain;

Zaad-e-safar Imam-e-Zamana (a.j.f) say maang kar,

Parhh kar durood ao, chalo, Karbala chalain;

Saaye ki tarah maut hai peechay lagi hui,

Barhh kar a'lam utaho, chalo, Karbala chalain;

Ab koi mulk fitnay say khali nahin raha,

Dunia say haath uthao, chalo, Karbala chalain."

Tehreek-e-zul-o-jaur gawara nahin kartay,

Hum daulat-e-dunia pay sahara nahin kartay;

Hum 12 imamon (a.s) kay paristar hain logon,

Marr jatay hain, ghairon ko pukara nahin kartay."

"PANI gham-e-Hussain (a.s) mein behnay ka hai sabab,

Kartay hain log AAG pay maatam, ba-sad adab,

Nauhon ki har sada pay HAWAYEN hain muztarab,

Farsh-e-aza bhi KHAAK pay bichhta hai roz-o-shab;

Chaaron pay raaj hai, Shah-e-Mushriqain (a.s) ka,

Dar-asl zindagi pay hai qabza Hussain (a.s) ka."

"Ajab, kabhi zikr-e-Hussain (a.s) jo bayan hota hai,

Tau bughz chehra-e-Iblees say a'yan hota hai;

Kia ajab raaz maatam-e-Shabbeer (a.s) mein hai:

Haath parhta hai yahan, dard wahan hota hai...!"

"Hargiz nahin hai maatam-o-sajda alag, alag,

Dono mein hai Shabbeer (a.s) ka jalwa alag, alag;

Sajdon ka bhi nishaan hai, maatam ka bhi nishaan,

Dono karen ge qabr mein jalwa alag, alag;

Jo log munkireen-e-Wilayat hain, un se tau,

Nimtain ge khud Imam-e-Zamana (a.j.f) alag, alag;

Hurr (r.a) ba-naseeb tha, bud-naseeb Hurmala,

Dono ka naam aik tha, shajra alag, alag;

Haider (a.s) kay munkireen say hain momin kuch aisay door,

Rehtay hain jesay murdon say zinda alag, alag."

"Unki ulfat ka taaj rakhtay hain,

Har marz ka ilaaj rakhtay hain;

Hum ko kia darr Yazeediyat say bhala?

Hum Hussaini mizaaj rakhtay hain."

"Guzray gi apni zindagi ab khushyon bhari bahaar mein,

Maula Ali (a.s) kay piyaar mein, Mehdi (a.j.f) kay intizaar mein."

"Shabbeer (a.s) ka naukar hoon, khata-kaar bhi hoon,

Dozakh mein jaoon ga, gunah-gaar bhi hoon;

Gar Dozakh mein lay jaayenge farishtay mujh ko,

Aag ro, ro kay bujha doon ga, a'za-daar bhi hoon!"

"Jo nasl-e-Yazeed say rakhta hai raabeta,

Jalta hai aaj roza-e-Sarwar (a.s) ko daikh kar;

Majlis mein aana iss liyay bid'at bata diya,

Yaad-e-Ghadeer aati hai, mimbar ko dekh kar."

"Rutba ghum-e-Hussain (a.s) ka haasil dikhayi dey,

Farsh-e-a'za nijaat ka saahil dikhayi dey;

Kuch der farz keejyay, ye majlisen na hon...

Sara jahan Hussain (a.s) ka qaatil dikhayi dey."

"Naar-e-Dozakh milay Deenh kay ghaddaron ko,

Hirs-e-Jannat bhi nahin Haq kay paristaaron ko;

Fatima (s.a) haath utha kar jo dua daiti hain,

Aur kia chahyay Maula (a.s) kay a'zadaron ko!"

"Maula (a.s) kay malangon ki taqdeer hai Jannat,

Hasnain shareefain (a.s) ki jageer hai Jannat;

Jannat ki zarurat ho jisay, maangey dua woh!

Meray liyay tau majlis-e-Shabbeer (a.s) hai Jannat."

"Nijaat pa gya Fitrus, karam Hussain (a.s) ka hai,

Abhi zameen pay pehla qadm Hussain (a.s) ka hai;

Yeh keh kay chhorh dia qabr mein farishton nay:

Na dain ge dukh issay, pehlay hi ghumm Hussain (a.s) ka hai;

Nishaan-e-sajda na takra nishaan-e-maatam say,

Namaz parhhta hai, yeh bhi karam Hussain (a.s) ka hai."

"Masjid ki saffon say kabhi maqtal ki taraf daikh;

Tauheed tujhay Shabbeer (a.s) kay sajday mein milay gi."

Maqam-e-ishq koi bay-zameer kia janay!

Hussainiyat ki haqeeqat haqeer kia janay!

Nabi (s.a.w.a) ki zaat pay hiziyan ka ho shak jis ko,

Wo do (2) rak'at ka namazi Ghadeer kia janay!"